Баткен облустук гимназия жатак-мектебинин бүтүрүүчүсү Нуржамал Абдиллаева «Алтын сертификатын» алды.

Бишкек шаарында билим берүү мекемелеринин бүтүрүүчүлөрүнө «Алтын сертификат» тапшыруу аземи салтанаттуу белгиленди.

Мамлекет башчы Садыр Жапаров бүтүрүүчүлөрдү куттуктап, кең келечек каалап сертификаттарын тапшырды. Салтанаттуу аземде КРнын Президенти Садыр Жапаров Баткен облустук гимназия жатак-мектебинин бүтүрүүчүсү Нуржамал Абдиллаевага да «Алтын сертификат» тапшырды. Аземде сертификаттан сырткары бүтүрүүчүлөргө баалуу эстелик белектер берилген.

Билимдүү жаштардын катары көбөйүп, мектеп бүтүрүүчүлөрү эң мыкты окуу жайларда окуп, мыкты кесиптин ээси болушуна салым кошуп, кам көргөн билим берүү мекемелеринин администрациясына, мугалимдерге, ата-энелерге терең ыраазычылык билдиребиз.