БАТКЕН ШААРЫНДА СПОРТТУК МЕЛДЕШ СТАРТ АЛДЫ!

Бүгүн, Баткен шаарынын А.Имаров атындагы орто мектебинин спорттук аянтчасында Баткен шаардык жана шаарда жайгашкан мекеме-ишканалардын кызматкерлери ортосунда спорттук мелдеш башталды.

Иш-чараны ачуу аземине Баткен шаарынын вице мэри М.Маматисаев катышып, шаар мэри И.Букановдун атынан спортчуларыбызды кесипти майрамдары менен куттуктады.

Ошондой эле шаарыбызда өткөн “Нооруз 2022” майрамдык салтанатында  спорттук оюндарды уюштурууга жана шаарыбыздын спорт тармагын жандандырууга кошкон салымдары үчүн К.Салиев,  Ө. Шарапов  Баткен шаарынын Ардак Громатасы менен сыйланса,  Баткен облустук жаштар, дене тарбия жана  спорт башкармалыгы тарабынан спортту жайылтууга кошкон салымдары үчүн спортчуларыбызга Ардак Грамоталар берилди.

Спорттук мелдешке жалпысынан  15 команда катышып, спорттун үч түрү боюнча  күч сынашууда.