БАТКЕН ШААРЫНЫН МЭРИ ИМАМНАЗАР БУРКАНОВ «РЕГИОНДУК ЭКОНОМИКАЛЫК ӨНҮКТҮРҮҮ — 2» ДОЛБООРУНУН АЛКАГЫНДА ДҮЙНӨЛҮК БАНКТЫН ЖООПТУУ КЫЗМАТКЕРЛЕРИ ЖАНА АРИСТИН ӨКҮЛДӨРҮ МЕНЕН ЖОЛУГУШТУ.

Жолугушууда Баткен шаардык мэриясы сунуштаган долбоорлор талкууланып, объектилер жеринде көрсөтүлдү. Ошондой эле сунушталган долбоорлордун социалдык-экономикалык жана экологиялык жактары, приоритеттүүлүгү каралды.

Белгилей кетсек Дүйнөлүк банк тарабынан Баткен облусун өнүктүрүү максатында 50 млн. доллар каралган. Жумуш 3 компонент менен жүрөт. Биринчи компоненти шаардын инфраструктурасын жакшыртуу багытында болот. Экинчи компонентинде экономиканы көтөрүү максатында айыл-чарба багытындагы долбоорлор ишке ашырылат. Ал эми 3-компонентинде кичи гранттар колдоого алынат. Мында ишкерлер долбоор жазып кичи гранттарды алса болот.

Жолугушууга вице-мэрлер Акылбек Орозов, Мансурбек Маматисаев, муниципалдык менчик департаментинин башчысы Акрам Акматов, шаардык билим берүү бөлүмүнүн башчысы Абдила Ахматбековдор катышты.

Мындай жолугушуу Исфана шаарында, Кадамжай жана Баткен райондорунда да өткөрүлөт.