Баткен шаарынын мэри Имамназар Бурканов  Орозо айынын башталышы менен куттуктады.

Урматтуу момун мусулмандар!

Кадырлуу шаарыбыздын тургундары жана меймандары!

Сиздерди ыйык Орозо айынын башталышы менен куттуктайм!  Ата-бабаларыбыздан келе жаткан Орозо айынын маани-маӊызы бийик. Орозо айы ыймандуулуктун, жан-дүйнөнү тазалоонун жана сабырдуулуктун айы.

Элибизди тынчтыкка, биримдикти бекемдөөгө, адамдарды бири-бирине жардамдашууга жана  урмат-сый менен мамиле жасоого чакырган ыйык ай.

Орозо айында муктаж адамдарга көңүл буруп, садага берип, достук жана бир туугандык мамилелерибизди бекемдеп, пейилибизди оңдоп, соопчулук иштерин жасаганды ниет кылган бардык мусулман бир туугандарыбыздын ниеттери ишке ашсын.

Аруу тилек, асыл максаттар менен күткөн ыйык Орозо айы ар бир үй-бүлөгө жакшылык жана бакубатчылык, береке кут алып келсин.

Мекенибизде тынчтык болуп, куттуу кыргыз жергебизде жана шаарбызда өсүп өнүгүүлөр боло берсин.

Жараткан кармаган орозоңуздарды кабыл кылсын!