БАТКЕН ШААРЫНЫН МЭРИ ИМАМНАЗАР БУРКАНОВДУН КУТТУКТООСУ

Урматтуу кесиптештер!

Сиздерди кесиптик майрамыңыздар — Кыргыз Республикасынын мамлекеттик жана муниципалдык кызматкерлеринин күнү менен куттуктайм!

Мамлекеттик жана муниципалдык кызмат — бул мамлекетибиз тарабынан ишенип берилген зор милдет жана чоң жоопкерчилик. Өлкөбүздүн өнүгүшүнө багытталган улуттук долбоорлор менен программалардын ишке ашырылышы жана элибиздин турмуш деңгээлинин жогорулашы мамлекеттик жана муниципалдык кызматчынын ишинин сапатына жараша болот.

Ал эми шаарыбыздын келечеги жана өсүп-өнүгүүсү үчүн кабыл алынган мамлекеттик, жергиликтүү чечимдерди аткарууда Сиздердин кызматыныздар өзгөчө мааниге ээ экендигин белгилейбиз. Ар бир мамлекеттик жана муниципалдык кызматкер калкыбызга ак ниет кызмат кылуу менен бирге элибиздин жашоосун жакшыртууга өз салымыныздарды кошуп келесиздер.

Учурда, өлкө башчыбыз тарабынан мамлекеттик жана муниципалдык кызматерлердин акыл дараметин, иш тажрыйбасын натыйжалуу пайдалануу максатында кызматкердин ишмердигинин туруктуулугун жана көз карандысыздыгын камсыз кылуу үчүн тийиштүү укуктук ченемдер кабыл алынууда. Максаты элибизге сапаттуу кызмат көрсөтүү менен мамлекеттик жана муниципалдык кызматка эл ишенимин жаратуу.

Урматтуу кесиптештер!

Бүгүнкү майрамыныздар кут болсун!

Сиздерге чың ден-соолук, үй-бүлөлүк бакыт жана ишиңиздерге ийгилик каалайм!

Элибизге ак кызмат кылып, батасын алуу баарыныздарга буюрсун.

Жерибизде тынчтык болуп, өлкөбүз өсүп өнүгө берсин!

Имамназар Бурканов

Баткен шаарынын мэри