Баткен шаарынын мэри И. Бурканов жаңы окуу жылынын башталышы менен куттуктады.

Урматтуу билим берүү кызматкерлери!

Кымбаттуу окуучулар!

Баарыңыздарды жаңы окуу жылынын башталышы менен чын дилимден куттуктаймын!

Ардактуу мугалимдер!

Келечек муунду тарбиялоодо сиздердерге кажыбас кайрат, чыгармачылык ийгиликтерди каалаймын. Ылайым келечекте шаарыбызда илим билимге умтулган, өлкөнүн жаркын келечегин кура турган уул-кыздар тарбиялансын.

Кымбаттуу окуучулар!

Силер өлкөбүздүн келечегисиңер. Жакшы ниет, тынымсыз аракет, зор ишеним, татыктуу тарбия, билим алуу менен баардык ийгиликтерди багындырышыңарга ишеним артам!

Быйылкы жаңы окуу жылында С.Огата атындагы орто мектебине кошумча окуу имараты курулуп пайдаланууга берилиши жакшы саамалык. Андыктан биз да силердин татыктуу, сапаттуу билим алууңар үчүн шарттарды түзүүгө аракет кылабыз.

Кымбаттуу балдар!

Билим алууга карай багыт алган даңгыр жолуңар байсалдуу болсун. Ар дайым асманыңар ачык, маанайыңар жаркын, келечегиңер кең болушуна тилектешмин.