Баткен шаарынын 2022-жылга карата жергиликтүү бюджетинин долбоорун талкуулоо үчүн коомдук угуу өткөрүлөт.

Ушул жылдын 16 –июль күнү  Баткен шаардык мэриясы жана Баткен шаардык кенешинин демилгеси менен Баткен шаарынын 2022-жылга карата бюджетинин долбоорун талкуулоо үчүн коомдук угуу өткөрүлөт.

Коомдук угуу ачык талкуулоо формасындагы иш-чара  болуп эсептелет. Анда Баткен шаарынын тургундары, тиешелүү мекеме-уюмдардын өкүлдөрү  шаарыбыздын 2022-жылга түзүлө турган жергиликтүү бюджети тууралуу маалымат алуусуна жана  сунуштарын айтуусуна  шарт түзүлөт.

Ошондой эле жергиликтүү бийлик органдары жергиликтүү калктын талабын эске алуу менен коомдук маанилүү маселелери боюнча тең салмактуу, алгылыктуу чечимди кабыл алуусу үчүн өткөрүлөт. 

Баардык шаарыбыздын тургундарын, жергиликтүү коомчулуктун мүчөсү катары  жергиликтүү өз алдынча башкаруу органдарынын ишине катышуу укугун жүзөгө ашырүү үчүн катышууга чакырабыз жана   анда жигердүү сунуштарды берүүсүнө жакшы мүмкүнчүлүк экендигин баса белгилейбиз.

Коомдук угуу, Баткен шаардык кеңешинин жана мэриясынын административдик имаратында, 2021 – жылдын 16- июль күнү саат 10.00 өткөрүлөт.