Орто жана мектепке чейинки билим берүү тармактарынын абалына мониторинг жүргүзүүдө

Баткен шаардык кеңешинин төрагасы Алтынбек Аширов жана Баткен шаардык мэриясынын мэри Имамназар Бурканов жана жетектеген комиссиялык топ мектепке чейинки жана орто билим берүү тармактарына мониторинг жүргүзүштү. Мониторинг жүргүзүүгө шаардык кеңештин депутаттары, КРнын ӨКМнин Баткен шаардык жана Баткен райондук өзгөчө кырдаалдар бөлүмүнүн кызматкерлери, шаардык билим берүү бөлүмүнүн адистери, жергиликтүү бийлик өкүлдөрү катышты.

Мониторингде билим берүү мекемелеринин жана ашканаларынын абалына, учурдагы жүргүзүлгөн ремонт иштерине, техникалык камсыздалышына байкоо жүргүзүлдү.

Баткен шаардык кеңешинин төрагасы Алтынбек Аширов Баткен шаарынын мэри Имамназар Бурканов билим берүүнүн сапатын жакшыртууга ар тараптуу колдоо көрсөтөрүн айтышты.