ЧОН ЖОЛДОРДУН АЙЛАНАСЫ ТАШТАНДЫДАН ТАЗАЛАНУУДА

Баткен шаарынын мэриясы тарабынан кабыл алынган ишембиликтин үч айылыгынын алкагында Баткен шаарынын батыш тарабында жайгашкан Ош-Баткен-Раззаков жолунун айлана чөйрөсү  таштандылардан тазаланууда.

Ишембиликке Баткен шаарынын мэриясы жана шаардык мекеме ишканалар катышып, Баткен шаарынын аймагына караган 7 чакырым чон жолдун жээктери таштандылардан тазаланууда.

Белгилей кетсек буга чейин көп жылдар бою шаардын аймагына караган эл аралык маанидеги чон жолдун четин таштандылардан тазалоо иштери колго алынбай келген. Быйыл Баткен шаарынын мэри Имамназар Буркановдун демилгеси менен аталган аймакты тазалоо, көрктөндүрүү жана иретке келтирүү  иштери  колго алынып, үч айлыктын алкагында ар жумаа сайын шаар мэри Имамназар Буркановдун катышуусунда ишембилик өткөрүлүүдө. Ошондой эле шаардык мэрия тарабынан мүмкүнчүлүккө жараша чон жолдун машина көп токтоочу жерлерине таштанды таштоочу урналар коюлууда.