Шаар башчысы Имамназар Бурканов Баткен шаарындагы социалдык шаарчадагы жакынкы күндөрү пайдаланууга берилүүчү балдар бакчасын жана тигүү цехин көрүп чыкты.

Белгилей кетсек, аталган социалдык шаарча Кувейт өлкөсүнүн «Ас Сафа» коомдук бирикмеси тарабынан курулуп, жалгыз бой, балалуу энелерге берилген. Эне менен баланы коргоо жана колдоо максатында шаарчада 50 орунга ылайыкташкан балдар бакчасы, тигүү цехи да аталган коомдук бирикме тарабынан курулган. Учурда аталган уюм тарабынан цехте тигүүчү техникалык каражаттар камсыздалып, орнотулган. Бул цехте ошол социалдык шаарчада жашаган энелер ишмердүүлүгүн жүргүзүп, үй-бүлөлүк экономикалык абалын жогорулатууга шарт түзүлөт.