ШААР БАШЧЫСЫ КУРУЛУШ ИШИ МЕНЕН ТААНЫШТЫ

Баткен шаарынын мэри Имамназар Бурканов баштаган шаардык жетекчилер Баткен шаарынын М.Салихов көчөсүндөгү курулуш иштерин жеринен көрүп, долбоорго ылайык жасалып жаткан иштин жүрүшүнөн кабар алышты.

Курулуш ишин жеринен кабар алган шаар мэри Имамназар Бурканов тендерден утуп чыккан  “Курулуш Лидер” ЖЧК  жетекчисине курулуш ишин долбоордо көрсөтүлгөн талаптарга ылайык  сапаттуу жүргүзүү боюнча талабын айтып, иштин жүрүшү боюнча  Баткен шаардык мэриясы тарабынан тыкыр көзөмөлгө алынаарын билдирди жана долбоордогу талаптар бузулган чакта аткарылган иш шаардык мэриянын алдындагы комиссия тарабынан кабыл алынбай турганын эскертти.

Ошондой эле долбоорду түзүдө жана аткарууда кыйынчылык жараткан маселе  М.Салихов көчөсүнүн күн чыгыш тарабында жайгашкан көрүстөн менен чон жолдун ортосундагы жер тилкеси   1996-жылы Баткен шаарынын тургундары үчүн үлүш жер катары берилип кеткен. Учурда,  Баткен шаардык мэриясы арбир үлүш ээлери менен макулдашуу жүргүзүп,  долбоорду аткарууга тоскоолдук жараткан 670 чарчы метр үлүш жер үчүн шаардын башка аймагынан жер берүү менен аталган жер тилкесин муниципалдык менчикке өткөрүү боюнча иштерди  аткарууда.

Эске сала кетсек, М.Салихов көчөсүнүн күн чыгыш тарабын ондоп түзөөдөн өткөрүү үчүн жергиликтүү шаардык бюджеттин эсебинен 2022-жылга карата акча каражаты каралып,  тендер жаряланып тендерден  “Курулуш Лидер” ЖЧК утуп чыккан.

Долбоордун жалпы суммасы 2 млн 206 мин сомду түзүп,  М.Салихов көчөсүнүн күн чыгыш тарабындагы 495 метр жөө адамдар жүрүүчү 891 чарчы метр жолго  жол таштары (брусчатка) басылып, 495 метр жерге суу кетүүчү ноолор (Латок) коюулат.  Ошондой эле 10 даана түнкү жарыктандыруу үчүн орнотулган темир мамычалар жылдырылып, 990 метр узундукта жол четине бордюр орнотулат.

Долбоордун аткаруу мөөнөтү 2022-жылдын 1-сентябрына чейин белгиленген.

Баткен шаардык мэриясы, шаардын аймагындагы  инфра-түзүмдү жакшыртуу максатында жүргүзүлүп жаткан курулуш иштериндеги ынгайсыздыктар үчүн кечирим сурайт жана шаардын жашоочуларын түшүнүү менен кабыл алат деген ишеничте.

Баткен шаарынын мэриясынын маалымат кызматы.