БАТКЕН ШААРЫНЫНЫН ТҮЗҮЛГӨНДҮГҮНҮН 20 ЖЫЛДЫГЫНА КАРАТА ТАЭКВОНДО WTF БОЮНЧА ШААР МЭРИНИН КУБОГУ ӨТКӨРҮЛДҮ

2019-жылдын, 4-декабрь күнү, Баткен шаарынынын түзүлгөндүгүнүн 20 жылдыгына карата таэквондо WTF боюнча шаар мэринин кубогу өткөрүлдү. Иш чараны вице-мэр И.Рыскулова ачып, катышуучуларды мэрдин атынан куттуктап, ийгиликтер каалады.
Таэквондо боюнча спорттук иш чарада 7 команда, 100дөн ашуун балдар, кыздар күч сынашты. Таймашка Бишкек шаарынын, Ош облусунун Араван районунун,  Баткен районунун Кызыл-Бел жана Көк-Таш айылдарынын жана Баткен шаарынын командалары катышты.

Мындай иш-чара жыл сайын өткөрүлүп, быйыл 7-ирет өтүүдө.

Жаштар арасында таэквондо күрөшүнө кызыгып өздөштүрүп алгандар көп экендиги байкалды. Себеби, мелдештин жүрүшүндө атаандаштык күчтүү болду.
Мелдештин жыйынтыгында жеңүүчүлөргө медалдар, кубоктор жана дипломдор ыйгарылды